Hvernig ætla þeir þá að bregðast við....

ef fólk ákveður að hætta alfarið að borga af sínum lánum? Persónulega er ég orðinn hundleiður á yfirgangi og vaxtaokri, þannig að ef ekki væri hætta á að þeir sem hafa gengist í ábyrgð fyrir mig, sem nota bene er náttúrulega fáheyrt kjaftæði, þá mundi ég einfaldlega hætta að borga af öllu nema því allra nauðsynlegasta, t.d. hiti, rafmagn, sími og netið, og leyfa þessum skúrkum að hirða það sem þeim er heimilt samkvæmt lögum. Raunar á ég ekkert sem hægt er að leggja hendur á, þannig að ég stend kannski betur en margur annar að því leitinu til.

Ég er með bílalán sem var tekið á myntkörfu og er að sligast undan því. Upphafleg greiðsluupphæð á láninu var um 18þúsund krónur á mánuði, plús/mínus einhverjir hundraðkallar. Núna stendur það í tæpum 42þúsund og ég er mikið að spá í að gefa bara skít í það. Versta er hins vegar að þeir myndu gera bíltíkina upptæka og ég sæti síðan áfram uppi með lánið, þrátt fyrir að forsendur lántökunnar séu löngu brostnar.

Hér þarf sem sé að setja lög sem tryggja neytandanum rétt á að skila bíllyklunum og losna undan láninu, ef forsendur lánsins hafa breyst svo mikið að lántaki standi ekki lengur undir greiðslum. En hingað til hafa ríkisstjórnir ekki séð ástæðu til að setja svoleiðis löggjöf og ég er ekkert að reikna með að vinstri stjórnin geri neitt í þeim málum.

Hafna fyrirvara við lánin

Það er náttulega tómt rugl

Rooney hefur ítrekað sýnt vanvirðingu sína á þeim svartklæddu og rífur stanslaust kjaft og hreytir í þá ósæmilegu orðbragði. Samt kemst hann alltaf upp með það. Það er kominn tími til að strákormurinn fái að taka afleiðingum orða sinna og athafna, þannig að þessi ákvörðun aganefndar enska knattspyrnusambandsins er vægast sagt hlægileg.

Það er ósköp einfalt að stemma stigu við svona hegðun leikmanna, leikbönn um lengri eða skemmri tíma, eftir því hvort um sé að ræða fyrsta brot eða síendurtekna óæskilega hegðun á velli. Það má ekki gleyma því að þessir menn eiga að heita að vera fyrirmyndir ungra knattspyrnumanna, sem og áhugamanna um allan heim, því á það ekki að líðast að þeir komist upp með svona framkomu á velli.

Engin frekari refsing hjá Rooney

Kominn tími til

Þetta manngerpi er búið að vera til þvílíkra trafala fyrir liðið að engu lagi er líkt. Og svo var hann náttulega maðurinn sem sannfærði Moores um að selja liðið til þessara heilalausu Kana, sem núna eiga það. Þegar Parry er farinn er kominn tími til að losa sig við þessa rugludalla að Westan. Ég ætla ekki að afgreiða alla Bandaríkjamenn sem rugludalla, bara þessa vitleysinga sem neita að selja, þrátt fyrir að áhangendur liðsins vilji helst drekkja þeim í Mersey

Parry að hætta hjá Liverpool

Hvernig væri að fara að þeirra fordæmi??

En nei, íslenskir stjórnmálaskunkar eru allt of hræddir við þennan fjárans alþjóða gjaldeyrissjóð til að þora að hreyfa litla puttann án þeirra blessunar. Það væri réttast að reka allan þingheim á brott og setja inn menn sem þora að koma einhverju í verk og sama á við um burðarstofnanir þjóðfélagsins.

Óbreyttir stýrivextir í Ungverjalandi

Vona að þessu sé þá lokið

Maður er nefnilega orðinn hundleiður á að hlusta á vælið í þeim Ferrari mönnum, um óheiðarleika annarra. Talandi um að kasti grjóti þegar menn búa í glerhúsi, þeir hafa nefnilega sjálfir verið gripnir við og við í gegnum árin og ekkert verið gert í málinu. Ég vona þeirra sjálfra vegna að þeir verði ekki nappaðir með brækurnar á hælunum aftur, það er jú komið fordæmi um að svona óheiðarleg vinnubrögð borga sig ekki. En skildu þá Ferrari menn ekki heimta að reglunum yrði breytt sér í hag?? Spyr sá sem ekki veit

Ítalskur dómstóll gerir sektarsátt við tæknimenn McLaren

Kerling er þetta!!

Hvernig væri bara að taka á móti eins og karlmanni sæmdi, í stað þess að grenja eins og smábarn. Ef eitthvað væri í þennan náunga spunnið, þá hefði hann væntanlega bara nagað á Hermanni neglurnar, svona til að hjálpa honum að halda sér snyrtilegum, úr því að pjattið er svona mikið.

Lawrence: Hermann, klipptu á þér neglurnar!

Fjögur og hálft ár???

Hvaða þvæla er þetta eiginlega?? Það væri réttast að setja svona menn í grjótið ævilangt, án möguleika á náðun. Og 1,2 millur í miskabætur er vægast sagt hlægilegt. Hvað með bætur vegna andlegs niðurbrots og tilheyrandi meðferðar? Hvað með bætur til barns þeirra, úr því að það var heima við meðan á þessu andstyggilega athæfi stóð?

Svona menn eru virkilega illa skemmdir og ég vona að hæstiréttur þyngi dóminn allverulega.

Hrottaleg árás og einbeittur vilji

Fáránlegt!!

Réttast hefði verið að veita honum orðu fyrir tiltækið, en kannski stendur nú til að refsa honum fyrir að hitta ekki forsetann fyrrverandi.

Skókastarinn fyrir rétt

Til Guantanamo??

Það væri kannski hæfilegt fangelsi fyrir svona menn. Enginn sem þyrfti að hafa áhyggjur af þeim, þar sem þeir myndu bara "týnast" í kerfinu. Annars finnst mér alveg með ólíkindum að menn skuli fá að ganga lausir, þegar þeir eru greinilega ekki færir um að samlagast samfélaginu, eftir að þeir hafa verið í betrunarvist á Hótel Litla-Hrauni. Ég velti fyrir mér hvort eitthvað sé reynt í alvöru að vinna með þá sem eru hvað harðsvíraðastir við fyrstu innlögn þangað!

Fangelsi fyrir fjölda afbrota

Vonandi að þær fái þá umfjöllun sem þær eiga þá skilið

Tilfellið er nefnilega að konurnar hafa gjarnan verið svo "heppnar" að fá kannski eina síðu í íþróttakálfum blaðanna, á meðan karlaboltinn hefur tekið að minnsta kosti eina opnu og oftar en ekki jafnvel eina aukasíðu til.

Konurnar spila líka bara miklu skemmtilegri bolta, þar sem leikgleðin er í fyrirrúmi, á meðan karlarnir eru í stanslausum kýlingum og kjaftbrúki við dómara leiks. Ég vil þá frekar meiri umfjöllun um þá sem virða hinn sanna íþróttaanda, frekar en prímadonnurnar í efstu deild karla, hvað sem hún nú heitir þetta árið.

Konurnar fyrstar og síðastar í sumar