Fjögur og hálft ár???

Hvaða þvæla er þetta eiginlega?? Það væri réttast að setja svona menn í grjótið ævilangt, án möguleika á náðun. Og 1,2 millur í miskabætur er vægast sagt hlægilegt. Hvað með bætur vegna andlegs niðurbrots og tilheyrandi meðferðar? Hvað með bætur til barns þeirra, úr því að það var heima við meðan á þessu andstyggilega athæfi stóð?

Svona menn eru virkilega illa skemmdir og ég vona að hæstiréttur þyngi dóminn allverulega.


mbl.is Hrottaleg árás og einbeittur vilji
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Tómas Þráinsson

Er ekki Guantanamo að losna? Vinir okkar í vestri hljóta að vera tilbúnir að lána okkur það, úr því að þeir eru að hætta að nota það í bili

Tómas Þráinsson, 23.2.2009 kl. 14:26

2 Smámynd: Haukur Sigurðsson

Er ekki viss um thessa domapælingu... virdist ekkert virka nema tha sem hefnd i besta falli.  Spurning um ad fara ad skoda adrar refsingar.

Haukur Sigurðsson, 23.2.2009 kl. 14:53

3 Smámynd: Tómas Þráinsson

Kannski það, en þá verða að vera einhver úrræði í boði hér á klakanum og um það er ekki að ræða. Það hefur ekki verið nokkur einasti raunverulegur vilji til að setja á stofn marktæka réttargeðdeild hér á landi. Litla-Hraun hefur í raun aðeins virkað til þess að forherða þá sem eru ekki því sterkari á andlega sviðinu, vegna þess að þeir hafa ekki styrk til að standa uppi í hárinu á leiðtogunum í "bransanum".

Annars er það nú þekkt staðreynd hér á landi að dómar eru almennt allt of vægir, vegna þess að refsiramminn er allt of takmarkaður. Til þess að fangelsisvist geti raunverulega orðið að betrunarvist, þá þarf að vera hægt að bjóða upp á fleira en bara að fara á skólabekk í FSu, með fullri virðingu fyrir þeim annars ágæta skóla.

Ég ætla ekki að fara að halda því fram að ég sé einhver ofursnillingur í að finna lausnir á þessum málum, en ég er alveg handviss um að það er hægt að finna þær. Svo nú skora ég á allar mannvitsbrekkurnar að leggja höfuðið í bleyti og hefja einhverja vitræna umræðu um þessi mál.

Tómas Þráinsson, 23.2.2009 kl. 15:35

4 Smámynd: ThoR-E

Bölvaður óþverri þessi maður.

Lemur barnsmóður sína með barn sitt í næsta herbergi.

Svona kappa þarf að stoppa... dómurinn hefði átt að vera nær 10 árum.

Það er ti mikið af sjúku fólki... það er augljóst.

ThoR-E, 23.2.2009 kl. 15:36

5 Smámynd: Sigurjón

10 ár er kannske ekki fjarri lagi, en ,,réttast að setja svona menn í grjótið ævilangt, án möguleika á náðun" eru fáránleg gífuryrði.

Sigurjón, 23.2.2009 kl. 15:43

6 Smámynd: ThoR-E

Get ekki annað en tekið undir með þér Sigurjón.

Vissulega var þetta hrottaleg árás og brotaviljinn augljós ... en að setja mann í ævilangt fangelsi án möguleika á að losna ... það er fullmikið af hinu góða.

Samt ef hann hefði framið þennan glæp í Bandaríkjunum hefði hann þó sennilega fengið þann dóm.

ThoR-E, 23.2.2009 kl. 15:46

7 Smámynd: Tómas Þráinsson

@Sigurjón: Ekki fáránlegri en margt af því sem hefur komið frá dómstólum þessa lands. Mér finnst nefnilega mjög undarlegt hvernig dómar í málum falla hér, sér í lagi að peningar séu oftar en ekki látnir vega þyngra en heilsa fórnarlamba hvers konar.

Tómas Þráinsson, 23.2.2009 kl. 15:48

8 Smámynd: Sigurjón

Gott og vel.  Ég get fallist á að dómstólar þessa lands hafa fellt fáránlega dóma.  En er það ástæða fyrir þig að koma með eitthvað jafn fáránlegt á móti?  Má ekki fara einhvern milliveg?

Sigurjón, 23.2.2009 kl. 16:51

9 Smámynd: Sigurbjörn Friðriksson

Þetta er ekki slæmt fyrir geranda (árásarmanninn);

1. Hann sleppur út eftir ca 2 ár til reynslu.

2. Hún getur keypt sér notaða 3ja ára bíldruslu fyrir kr. 1,200þús, þ.e.a.s., ef hú nær að kreista það út úr árásarmanninum sem ríkið tryggir ekki í peningum.  Ef ég skil rétt, þá eru það nokkur hundruð þúsund sem ríkið tryggir brotaþola, en restina þarf að rukka gerandann inn.  Ætli að hann sé borgunarmaður fyrir þeirri upphæð?

3. Þá á hún ekkert eftir til að kaupa sér sálfræðilega áfallahjálp og sálfræðilega meðferð til endurhæfingar sem tekur lengri tíma en nokkra mánuði, því enginn gengur óskaddaður frá svona nokkru nema árásarmaðurinn - sem sleppur auðveldast - 2ja ára sumarfrí á 3ja stjörnu hótelinu Litla Hrauni í sjónvarpsglápi og dópneyslu.  Því nóg er af dópinu þarna.

Kær kveðja Björn bóndi   

Sigurbjörn Friðriksson, 23.2.2009 kl. 17:37

10 Smámynd: Hjördís Ásta

Tek undir þetta með Kristjáni....má ekki bara nota eitthvað af þessum auðu húsum í fangelsi núna. Er ekki hægt að setja nokkra rimla í nýja tónlistarhúsið og breyta því í "the rock" bara

En án alls djóks þá er algjörlega óþolandi hvernig dómstólar í þessu landi virka...!!

Það lítur út fyrir að morð og nauðganir séu bara svona "meðalglæpir" hérna en aftur á móti eru skattsvik og ritstuldir eitthvað sem talið er alveg síðasta sort

Þetta er andskotans rugl....þessi maður þarf að fá miklu lengri dóm en þetta til að læra sína lexíu það er alveg á hreinu

Hjördís Ásta, 23.2.2009 kl. 17:55

11 Smámynd: Marta Gunnarsdóttir

Það á eftir að vísa málinu til Hæstaréttar og ég hef ekki getað séð annað en að þar á bæ séu menn alltaf tilbúnir að stytta fangelsisdvöl, lækka bætur til fórnarlamba og koma jafnvel með afsaknir fyrir hegðun ofbeldismannanna.

Ég spyr mig líka.... hvernig verður umgengnisréttur föðursins við barnið? Móðirin er kannski skyldug til að afhenda honum barnið aðra hvora helgi?

Marta Gunnarsdóttir, 23.2.2009 kl. 22:11

12 Smámynd: Riddarinn

Já ekki er lýsingin á þessu glæsileg en ég er nú í raun ósammála því að það eigi að vera að dæma menn í endalaus fangelsi því það breytir litlu og ekki til árangurs eða til að bæta fólk að sitja 10 árum lengur.

Og Marta Gunnarsdóttir gengur nú full langt þegar hún fer út í umgengis mál barnsins því mér sýnist að hún vilji að barnið fái aldrei að sjá föður sinn framar.

Líklega sér hann barnið ekki mikið næstu árin og það er mikil refsing fyrir þá sem elska börnin sín og líka missir fyrir börnin til framtíðar líka því tengsli við foreldri rofnar nær alveg og erfitt að bæta þannig skaða.Nægur er nú skaðinn fyrir oftast næ. 

Það hljómar kannski mátulegt á hann en málið snýr bara ekki að honum heldur barninu líka sem á sinn rétt á að kynnast föður sínum því þó furðulegt sé þá hafa jafnvel morðingjar og illmenni verið góðir feður eða mæður við börnin sín. 

Það er einfaldlega þannig þegar að svona gerist að fólk fer svona út af sporinu og bilast og tekur svona hrottalegt æðiskast og misþyrmið öðrum aðila í kjölfar skilnaðar eða vandamála í sambandi eða hvað sem það er þá er það nú ekki algilt að sá hinn sami verði illmenni alla sína tíð og geti ekki verið með barnið sitt framar og að taka eigi rétt barnsins á að hitta föður sinn til framtíðar.

4 og hálft ár í fangelsi eru einfaldlega ekki jafnt og 4 og hálft á úti í samfélaginu heldur margfalt meira og lengur að líða en það þekkja sem betur fer fæstir því sem betur fer er minnihluti fólks sem lendir í steininum einhvern tímann á ævinni.

 "Að læra sína lexiu"eins og einn talar um hérna er ekki alltaf fengið með því að sitja endalaust  í steininum og það má glöggt sjá á þeim sem eru í áskrift í Fangelsum landsins.

Sama hversu langan tíma þeir sitja inni, þeir læra ekkert meira né betur þó þeir dúsi megin part ævinnar í steininum.

Að vilja 10 ára fangelsi er einfaldlega hefnigirni sem ræður og þá er fólk komið á lágt plan og skynsemin ekki við völd þykir mér.

Það þarf meðferð fyrir svona fólk og að vinna með það til að bæta það.Ekki endalaust fangelsi.Er einfaldlega ekki að virka þegar lengra er litið.

En líkamlegt ofbeldi hér á landi hefur samt oft verið ótrúlega lágt dæmt í gegnum tíðina og fólk sem stelur smámunum þarf oft að taka langa fangelsisdóma þó það séu bara smáaurar sem komi við sögu en sá sem lemur annan til óbóta með illsku og skepnuskap og stórskaðar eða örkumlar jafnvél viðkomandi fær oft skilorð og  sekt og allt búið.

Þarna þarf að leyfa fólki að finna aðeins fyrir dómnum eins og fórnarlambið þurfti að þola barsmíðarnar og afleiðingarnar af ofbeldinu.

Þetta er einfaldlega bilun þegar fólk gerir svona og á að meðhöndla vandamálið í samræmi við bilun í stað þess að loka bara og læsa og henda fólki svo út að dómi loknum bitru og reiðu eftir nokkur ár án þess að nokkuð hafi verið gert af viti með manneskjuna til að betrumbæta hana. 

Mig grunar nú að svona náungar fái lika að finna duglega fyrir því í steininum og það er eflaust ekkert sældarlíf eins og einn sem talar um "2ja ára sumarfrí á 3ja stjörnu hótelinu Litla Hrauni í sjónvarpsglápi og dópneyslu"Held að þetta sé nú full mikil einföldun og líklega snerist honum hugur eftir smá tíma á Litla Hrauni.

En ekki er ég nú samt að verja þennan ofbeldissegg eða það sem hann gerði.En menn og konur hafa nú fengið að ganga lausir frá morði sökum stundarbrjálæðis og svona hrotalegt ofbeldi er ekkert annað en brjálæði sem á að setja á viðeigandi stofnun. 

Riddarinn , 24.2.2009 kl. 03:35

13 Smámynd: Sigurbjörn Friðriksson

Riddarinn stígur varlega til jarðar og er orðar og er það gott og til fyrirmyndar.

Þegar ég minntist á 2ja ára sumarfí á 3ja stjörnu hóteli við dópneyslu, þá tala ég af fyrri reynslu minni vegna afskipta minna af föngum í úttekt og eftir að þeir komu út.  Þá aðallega fangar sem tókst velí endurkomu ogtóku sig á.  Ég dreg álit mitt af þeirra frásögnum.

Lúxusinn sem ég nefni að þessi umræddi árásaraðili fær að lifa við er svona í samanburði við þá vanlíðan og erfiðleika, sálræna, líkamlega og félagslega sem fórnarlambið þarf að stríða við um langa framtíð.  Ofsahræðsla við það eitt,að frétta eftir nokkra mánuði að maðurinn verður sloppinn út, verður laus til að gera hvað sem honum sýnist.  Lögreglan má ekki skerast í leikinn því gerandinn er búinn að taka út sinn dóm.  "Ósnertanlegur þar til hann brýtur aftur af sér."

En varla er hægt að telja þennan atburð sem "stundarbrjálæði",þetta atvik tók of langan tíma.Eina lausnin er fyrir svona afbrotamenn að hafa stofnun þar sem þeir eru vistaðir til langframa á sér stofnunum, ekki til að hegna þeim, heldur, til að vernda þjóðfélagið og fórnarlömb þeirra frá svona mönnum. 

Kveðja, Björn bóndi   

Sigurbjörn Friðriksson, 24.2.2009 kl. 16:53

14 Smámynd: Sigurbjörn Friðriksson

Í fyrstu línu átti að vera: orðvar

Kk Bb

Sigurbjörn Friðriksson, 24.2.2009 kl. 16:54

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Tómas Þráinsson
Tómas Þráinsson
Hef skoðanir á öllu og er ekki alltaf kurteis um málin, enda ekki ástæða til

Tónlistarspilari

Tómas Þráinsson - Litli Úlfur
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband