Og hann kemst náttulega upp með þetta eins og annað

Alveg er það með ólíkindum hvað Ferrari eru duglegir að læðast framhjá reglum FIA um reynsluakstur. Þetta nýjasta verður samt sennilega látið óátalið að venju, þar sem Ferrari virðast vera algjörlega ósnertanlegir, sama hvern fjárann þeir gera af sér. Að auki er Schumi réttindalaus að gera sig kláran í afleysingar í formúlunni, eitthvað sem verður fróðlegt að sjá hvort verði látið óátalið líka.

Að sjálfsögðu á að meina honum þáttöku þar til hann er með fullgild réttindi, annað er bara fáránlegt og hreinræktuð móðgun við aðstoðarökumenn Ferrari, sem eru með réttindi til keppni. En ég er alveg brandklár á að hann fær að keppa réttindalaus og þeir verða ekki einu sinni sviptir stigum, ef hann rambar í stigasæti.

FIA rannsakar reynsluakstur Schumacher

Glæsilegt hjá Stefáni en.....

Lokahringur meistaramóts GR var á Grafarholtsvellinum, ekki Korpúlfsstöðum, eins og blaðamaður hélt fram í fréttinni. Ég held að blaðamenn ættu að vanda aðeins meira til verka í fréttaflutningi sínum, í stað þess að henda fréttunum fram hálfköruðum.

Til hamingju Stefán og Helena, þetta var flottur árangur hjá ykkur báðum.

Stefán jafnaði vallarmetið og tryggði sér sigur hjá GR

Algjör afleikur stjórnvalda

Þegar þessi ríkisstjórn tók við völdum, þá var það yfirlýst stefna þeirra að sækja ekki peningana til þeirra sem minnst hafa umleikis. En hvað gerist? Jú, hærri skattar, hærra bensínverð og þess háttar vitleysa.

Svo ég taki dæmi af mínum bílrekstri, og ég er ekki á dýrum bíl, er að fyrir hækkun þá þurfti ég að eyrnamerkja 30þúsund krónur af útborguðum launum í bensín til að komast í og úr vinnu, auk smásnatts sem alltaf kemur til. Núna er ég að horfa upp á hækkun upp í 35-38þúsund á hverjum mánuði og það er án þess að launin mín hækki á nokkurn hátt. Í raun hef ég orðið fyrir talsverðu tekjutapi frá því að bankarnir hrundu í haust, þar sem yfirvinna er nánast horfin hjá mér, og hún var nú ekkert óskaplega mikil fyrir en það munaði talsvert um hverja klukkustund.

Ég bý á Suðurnesjunum og sæki vinnu í Reykjavík, þar sem ekkert er í boði hér suðurfrá vegna algjörs aulaskapar sveitastjórnanna hér, sér í lagi þeirra í Reykjanesbæ. Þegar herinn fór, var ekkert gert til að auðvelda fólki að finna sér vinnu í heimabyggð. Það eina sem hugsanlega finnst hér er svo illa launað, að ég er skár settur að keyra milli Reykjavíkur og heimilis, en að reyna að ná mér í vinnu í heimabyggð.

Því vil ég kalla þetta glappaskot stjórnvalda algjöran glæp gegn heimilunum. Þið eruð að tryggja það að missa allt fylgið ykkar í næstu kosningum og sennilega stærsta kosningasigur hægriaflanna síðan sögur hófust.  Ég hef hreinlega ekki lengur efni á að borga fyrir fæði og klæði ofan í fjölskylduna, þegar borgað hefur verið af skuldum og skyldum. Er þetta það sem stjórnvöld höfðu í huga þegar þau lofuðu því að verja heimilin í landinu???

Jóhanna og Steingrímur, þið eruð ótíndir bófar í mínum huga og þangað til þessi vitleysa hefur verið leiðrétt þá mun sú skoðun mín ekki breytast nokkurn skapaðan hlut.

Ég skora hér með á Seðlabankann að lækka stýrivextina niður í 3% strax, reka AGS úr landi hið snarasta og stinga bankaglæpalýðnum beinustu leið í grjótið. Látið þessa hálaunagosa borga fyrir eigin óráðsíu, látið heimilin í landinu vera.

Ég hef sjaldan orðið eins reiður og í dag, þegar Samfylkingin og Vinstri Grænir drulluðu upp á bak, hnakka og upp fyrir haus. Ég lýsi hér með vantrausti á þessa handónýtu ríkisstjórn og skora á þá sem stóðu að búsáhaldabyltingunni að setja allt í gang aftur og reka þetta lið út úr þinghúsinu.

Bensínið aldrei dýrara

Hvað þurfa þeir að hræðast??

Mér finnst bara allt í fína lagi að fara fyrningarleiðina, svo framarlega sem gerð verður ein stórbreyting á kvótalögunum. Ég vil láta setja inn veiðiskyldu á útgerðirnar, þannig að ef þær leigja út aflann, nú eða selja hann, þá fái þeir ekki úthlutað samsvarandi útleigðu/seldu magni næsta fiskveiðiár. Þetta ætti að minnka braskið allverulega.

Einnig þarf að tengja kvótann byggðarlögunum sem eiga allt sitt undir fiskveiðum. Ekki láta risaútgerðirnar komast upp með að kaupa upp öll skip smáplássanna, ásamt kvóta þeirra, og flytja svo allt góssið þangað sem þeir eiga mestra hagsmuna að gæta. Ég vil sjá að minnsta kosti 75% af kvótanum bundið við sjávarútvegsbyggðir landsins og það sem eftir stendur verður í eigu ríkisins og útgerðir geti þá leigt aflann þaðan gegn hóflegu gjaldi.

Á sama tíma þarf líka að banna veðsetningar kvóta mörg ár fram í tímann og einnig að koma í veg fyrir erfðarétt á kvótanum. Almennt séð ætti ekki að vera hægt að veðsetja fiskinn í sjónum, þar sem menn vita aldrei hvað þeir fá upp á land á milli ára.

Að lokum vil ég láta skylda útgerðirnar til að tryggja það að helmingur aflans verði unnin hér heima, með aðlögunartíma til kannski 5 ára. Ekki selja óunninn fisk erlendis í miklu magni, þegar hægt er að vinna hágæðavöru úr honum hérlendis.

Ölfuss hræðist fyrningarleiðina

Sorgleg þróun og hvað er hægt að gera?

Vissulega eiga stjórnvöld stóran hlut að máli hér. Litlu hefur verið komið í verk, en það skrifast að hluta á málþóf í ræðustóli Alþingis og svo ranga forgangsröðun mála. Svo er auðvitað ein stofnun sem ætti nú að sýna í verki að hún hafi bein í nefinu, en það er Seðlabanki Íslands. Hann á auðvitað að hætta að vera svona mikil undirlægja Alþjóðaglæpasjóðsins og skella stýrivöxtum strax niður í 10% og niður í 5 prósent fyrir árslok. Það myndi bjarga mörgum fyrirtækjum og heimilum frá því að lenda undir hamrinum fyrir árslok.

Gerist það??? Tæplega, því íslensk stjórnvöld virðast bara vera hræddir kjúklingar undan minknum í hænsnakofanum, þ.e. Alþjóðaglæpasjóðnum

Atvinnurekendur aldrei svartsýnni

Hættu þessu væli glæpaspíran þín!!

Fyrir það fyrsta, þá ættirðu ekki að vera kjörgengur. Ástæðan er einfaldlega sú að þú brást því trausti sem þér var sýnt í opinberu embætti, með því að versla helling af vörum fyrir sjálfan þig á kostnað ríkisins. Það er einfaldlega þjófnaður og fyrir það fékkstu dóm.

Mér er sléttsama þó þú hafir fengið vini þína í embættum forseta Alþingis, forsætisráðerra og forseta Hæstaréttar til að reisa við æru þína. Þú áttir aldrei að fá kjörgengi aftur eftir að dómurinn féll. Og að koma svo núna og grenja í fjölmiðla, vegna þess að fólk vill ekki hafa þig á þingi og nýtir þess vegna sinn lýðræðislega rétt á að strika þig út af lista flokksins í kjördæminu. Ef ég hefði kosið þinn rotna flokk, þá hefðir þú verið fyrstur manna að missa atkvæðið mitt, vegna þess að ég hefði klárlega strikað yfir nafnið þitt.

Þeir sem vilja banna yfirstrikanir, eru einfaldlega þeir sem eru hlynntir því að flokkarnir fari sínu fram, án eftirmála, hversu vonda samvisku sem innanbúðarmenn kunna að hafa. Skammastu þín bara Árni og drullastu af þingi, þú átt ekkert erindi þangað inn.

Árni Johnsen segir skipulega unnið gegn sér

Og hér tekur steininn úr!!!

Varla búinn að minnast á fáránlegt 60 daga skilorðsbundinn dóm fyrir að valda fólki stórkostlegu líkamstjóni með ölvunarakstri, þá kemur hér annað eins rugl. Hvernig er hægt að leggja þjófnað að jöfnu við líkamstjón??

Ég held að það sé kominn tími til að endurskoða refsiramma viðurlagakerfisins, því þetta er náttúrulega algjör fásinna.

Dæmd fyrir að stela vínflöskum

Eruð þið ekki að grínast???

60 daga skilorð fyrir að valda öðrum örkumlum sem gætu reynst varanleg? Hvaða fjandans vitleysisgangur er þetta??? Vona að saksóknari áfrýi þessu til Hæstaréttar og láti stinga manngrýlunni í tukthús í að minnsta kosti ár. Það verður vonandi til þess að hann læri af þessu og skilji að svona háttalag er bara ekki í lagi.

Dæmdur fyrir vítaverðan ölvunarakstur

Ferðast um landið

Ég er víst í þessum hópi sem vill ferðast innanlands í sumar. Það er fullt af fallegum stöðum á landinu og fátt skemmtilegra en að kynna börnum sínum nýja staði utan malbiksins. Hins vegar mættu olíufélögin koma til móts við þá sem vilja ferðast innanlands í sumar og stórlækka verð á eldsneyti og öðrum nauðsynjum sem fólk þarf í bílinn eða á hjólið sitt, þar sem mörgum þykir gaman að ferðast á annað hvort reiðhjóli eða á mótorhjólum. Ég er ekki mikið fyrir að fara í Ferðafélagsferðirnar en fagna því að það er valkostur fyrir þá sem hafa yndi af þess háttar ferðalögum.

Ég leita venjulega eftir einhverjum sérstökum stöðum í mínum ferðalögum, helst einhvers staðar utan alfaraleiðar, utan farsímasambands og fjarri venjulegum tjaldstæðum. Ég er yfirleitt að leita að hvíld og andlegri ró, sem er því miður eitthvað sem sjaldnast fæst þegar eitthvað af þessu þrennu er til staðar. Á tjaldstæðum er of oft einhvers konar órói, misalvarlegur, en það verður til þess að maður fær bara ekki það sem leitað er eftir. En nú er maður farinn að horfa út á land, hvert skal halda í sumar

Fólk flykkist í ferðalög innanlands

Hálfviti, eigum við að ræða það eitthvað frekar?

Varla. Ég skil ekki hvernig fullorðinn maður getur verið svona mikil erkisauður, en það kom fram á visir.is að hann hafi verið á fertugsaldri og að auki óvanur. Hjálmlaus, hlífðarfatalaus, próflaus og á krosshjóli sem eingöngu á að nota á lokuðum brautum. Vona að hann láti þetta sér að kenningu verða, en ég ætla nú að gefa honum tækifæri til að sanna hversu mikil álfur hann er. Ég vona að þetta verði kannski til að aðrir láti svona lagað eiga sig, því svona tæki eru ekki til að leika sér að.

Mótorhjólaslys á Akureyri