Wheeeeeeeeeeeeeeeeeeeeeeeeeeeeeee

Mikið rosalega hefur verið gaman hjá þessum bílstjóra. Stuðað rosalega með pinnann í botni, búmmsjaggabúmmbúmmbúmm.

Verst að hann reyndist ekki hafa vitglóru í kollinum til að gera þetta á hraðbrautinni, þar sem líkurnar á svona ævintýri væru í mun ólíklegri. Vissulega má halda því fram að hann hefði væntanlega fundið sér eitthvert annað skotmark, en vonandi hefði það þá verið eitthvað í líkingu við tré eða þess háttar, því gömul hús, eins og margar kirkjur þarna, eru svo skrambi dýr í viðhaldi en trén hafa þann eiginleika að lagfæra sig sjálf með tíð og tíma.

Ók á kirkjuþak

Snilli blaðamanna, eða þannig sko

Hann var spurður hvort hann teldi að hann hefði verið með forystu ef fleiri sterkir kylfingar hefðu verið meðal keppenda og svarið lá auðvitað í augum uppi: „Já, er það ekki nokkuð augljóst? Það hefur enginn verið á 20 undir pari eftir tvo hringi í nokkru móti.“

 

Hvernig í ósköpunum getur vel menntaður blaðamaður spurt svona fádæma heimskulega, eins og hér að ofan. Ég er hins vegar alveg í skýjunum að sjá að fleiri geta spilað svakalega flott golf heldur en þessir vanalegu toppkarlar. Ekki veitir af að veita þeim svolítið aðhald í þessu.

Ótrúlegt golf á Bob Hope-mótinu

Hvers vegna í ósköpunum er tekið svona mikið mark á skoðanakönnunum?

Gera menn sér ekki grein fyrir því að stór hluti svarenda svara annað hvort út í hött eða neitar að svara?

Persónulega er ég óákveðinn með inngöngu í þetta ESB monster. Ég vil samt að við sækjum um og fáum allt upp á borðið. Hvar græðum við? Hvar töpum við? Töpum við meiru en við græðum eða er það þveröfugt?

Tilfellið er að við höfum ekki hugmynd um hvar við stöndum fyrr en skriffinnarnir í Brussel koma með sína kröfugerð, eftir að við leggjum okkar umsókn inn. Þeir vita líka að Íslendingar eru mjög viðkvæmir fyrir öllum kröfum gagnvart landbúnaði eða fiskimiðum. Þess vegna væri ekkert óeðlilegt að við beittum fyrir okkur vatninu okkar, þar sem vatnsbúskapur þeirra í Evrópu er nú ekkert til að hrópa húrra fyrir. En eins og ég sagði, sækjum um, vegum og metum allt sem er uppi á borði í viðræðum þeirra og okkar. Þjóðin mun síðan vega og meta þær upplýsingar sem koma upp og gefa upp skoðun sína í þjóðarathvæðagreiðslu.

Færri fylgjandi ESB-aðild

Er ekki í lagi með þetta lið???

Á ekki að fara að eyðileggja Tomma og Jenna með einhverjum ritskoðuðum "politically correct" handritum, til að skemma minningu manns um vitleysisganginn í þeim nafna mínum og músinni Jenna. Fréttin er aukinheldur kolröng, þar sem fyrsta teiknimyndin um þá félaga var gerð árið 1932, samanber IMDB

Ég vil fá að halda minni minningu um Tomma og Jenna óskemmdum og ég vil ekki að 19 mánaða gamall sonur minn komist að því að einhverjir gróðafíklar í Hollywood hafi ákveðið að gelda þá félaga með hræðilega útþynntum húmor. Stuttar teiknimyndir geta mjög illa ferðast yfir á hvíta tjaldið í formi bíómyndar í fullri lengd, eins og sést best á fjöldamörgum klúðrum undanfarinna ára.

Tommi og Jenni á hvíta tjaldið

Hvað er þetta með pólitíkusa og spillingu???

Ef þeir sjá einhverja minnstu gróðavon einhvers staðar, þá þarf að reyna allt til að sækja sér aurinn, sama hversu ósiðlegt eða ólöglegt það athæfi kann að vera. Það skildi þó ekki vera að íslenskir pólitíkusar hafi lært af þessum snillingi??

Þingmaður reyndi að kúga fé út úr Travolta

Ekki-frétt ársins??

MEEEEEEEEEEEEEEEEEEEEEEEEEEEEEEEEEEEEEEEEE

 

Geitin hefði nú átt að velja sér aðeins betra módel en þetta Mözdu brak. En kannski var ekkert í boði nema eitthvað amerískt fjós, og þá skil ég þetta vel.

Þjófur breytist í geit

Stuð á stinningarlyfjum

Það er vonandi að þessi lyfjagjöf hafi réttu áhrifin á herra Jing Jing. Náttúran er nefnilega óútreiknanleg. Gæti ekki bara verið að hann hafi ekki áhuga á tígrynjunni, einfaldlega vegna þess að í hans augum sé hún bara forljót og illa vaxin??

Það er nú eitt af þessum líkamsvandamálum allra tegunda að ef útlit, bygging, lykt eða skapgerð viðkomandi er eitthvað gölluð, þá er erfitt að finna einhvern til að leika við hann/hana.

Tígrisdýr á Viagra

Athyglivert í meira lagi

Ég vona sannarlega að af þessum skiptum verði, því Pennant er alls ekki nægilega fljótur á kantinum. Lennon er mun sprettharðari, en þá er að vona að honum verði kennt að gefa almennilega fyrir markið, því það eru ansi margir kantmenn mjög slakir í þeirri list. Þeir bruna jú framhjá bakverðinum en svo flýgur tuðran langt upp í stúku, hættan liðin hjá.

Já semsagt, vonandi að rétt reynist.

Benitez vill skipta á Pennant og Lennon

Hæg byrjun, en engin ástæða til að örvænta

Það er vonandi að Birgir nái að rífa sig upp í einhverja alvöru spilamennsku á næstu hringjum. Það er svo erfitt að eiga séns á almennilegu verðlaunasæti nema með því að byrja vel. Hann á til hæfileikann, vonandi að hann nái að virkja andlegu hliðina samhliða og næla sér í góðan vinning. Svo er bara að halda baráttunni áfram og vinna í hverjum þeim veikleikum sem hann er að eiga við í hvert sinn.

Áfram Birgir

Birgir lék á einu höggi undir pari

Látum þá rotna í grjótinu úti

Í öllum lifandi bænum ekki láta ykkur dreyma um að fá þessa drullusokka heim. Ef þeir brutu af sér í útlöndum, þá væri réttast að láta þá rotna í þeim fangelsum sem eru viðeigandi fyrir afbrot þeirra. Það er nóg samt sem almennir skattborgarar þurfa að búa við núna, þó ekki verði farið að bæta við einhverjum fjandans uppskafningum sem halda að lög og reglur eigi ekki við þá.

Á þeim nótum vil ég líka benda á að við sitjum nú enn með tukthúslim á alþingi, mann sem fékk uppreist æru á þeim vafasömu forsendum að hann hótaði að skrifa bók. Það hefði raunar orðið býsna athyglisverð lesning, sér í lagi ef Eyjapeyjinn hefði látið verða af hótun sinni að ljóstra upp um allann þann skít sem hefur verið mokað undir teppin í stjórnarráðinu, alþingi og hér og hvar um kerfið.

Þrettán Íslendingar í fangelsi erlendis