IMF aftur :(

Hvenær ætla íslenskir frammámenn að fara að láta sér vaxa smá "cojones"? Hættið að hlusta á þennan fjandans IMF glæpalýð og farið að skoða ástand heimila og fyrirtækja landsins. Fyrirtækin hafa alls ekki efni á svona háu vaxtastigi og enn síður heimilin.

En nei, alltaf þarf að gera nebbann brúnan með því að slafra í sig skítinn beint frá uppsprettunni.

Vildu lækka vexti en ekki IMF

Hryðjuverk gegn almenningi og atvinnulífi

Þetta er ekkert annað. Hvern fjárann erum við stanslaust að sleikja rassinn á IMF með því að fara eftir þeirra kröfum. Þeir eru ekkert annað en efnahagslegir hryðjuverkamenn sem setja heilu þjóðríkin á hausinn með algjörlega ótækum kröfum. Því miður eru stjórnvöld vanalega of upptekin af stólunum sínum til að sjá hversu mikið glapræði um er að ræða.

Davíð og félagar á toppi Seðlabankans virðast vera jafnblindir og áður. Auðvitað átti að snarlækka stýrivextina, helst niður fyrir 10% í einu stökki. Það kæmi þjóðinni betur.

Óbreyttir stýrivextir

Var ekki verið að enda við...

að tilkynna að hann hefði samið við lið í Hollandi? Fróðlegt þætti mér að vita hver hefði verið svona glöggskyggn að tilkynna fyrirfram hvert hann ætlaði í útlöndum, þegar upp kemur um síðir að stráksi ætlaði bara að vera heima áfram og taka út meiri þroska hér.

Jóhann Berg semur og semur

Á maður að fara að taka mark á þeim???

IMF hefur aldrei verið neitt annað en handbendi risafyrirtækjanna bandarísku. Þannig að ef þeir fara að ókyrrast, þá er mér skemmt í raun. Þeir setja heilu þjóðríkin á hausinn í morgunmat, koma vinum sínum í óskastöðu í þessum sömu ríkjum í hádeginu og hjálpa þeim svo að eignast allt sem hægt er að koma í verð um kaffileitið. Um kvöldmatarleitið er svo búið að hreinsa upp flestar auðlindir sem í boði eru og bestu vinirnir skila öllu trallinu með þökkum fyrir viðskiptin. Hver græddi svo á öllu saman?? Tja, allavega ekki ríkin sem í hlut áttu.

Þannig að ég hlusta ekki á orð af því sem þessir kálfar eru að hrakspá í heiminum. Þeir sjá jú ekkert annað en bandaríska hagsmuni og dæma allt viðskiptaumhverfi heimsins út frá því.

Nær enginn hagvöxtur

Skildi hann vilja vera spilandi fyrirliði??

Það er eitthvað sem hefur ekki gerst í háa herrans tíð. En allt verður það víst háð leikformi hans, því ekki hefur það verið upp á marga fiska undanfarið. En hann er reynslubolti og vonandi að hann nái meiru út úr liðinu en forveri hans, Nick Faldo.

Montgomerie verður fyrirliði Ryderliðs Evrópu

Verðtryggingin verður að fara á brott sem fyrst

Hafi einhvern tímann verið vafi á því að afnema þurfi verðtrygginguna, þá hefur honum hér með verið eytt upp fyrir fullt og allt núna. Allt hækkar að venju nema laun venjulegra launamanna, en þau hreyfast vanalega ekki baun, þökk sé aðgerðaleysi og bleyðuskap samninganefnda stéttarfélaganna.

Ekki er nóg að afnema verðtrygginguna, sem ætti að vera einfalt að gera; við einfaldlega festum vísitöluna í þeirri tölu sem hún situr sama dag og frystingin fer fram; heldur þarf líka að gefa skít í kröfur IMF og lækka stýrivexti Seðlabankans niður í ca. 5%. Heimilin í landinu hafa ekki efni á að hafa bæði óðaverðbólgu, verðtryggingu og okurvexti virk, á sama tíma og laun frekar lækka eða standa í stað í besta falli. Ýmislegt fleira þarf að gera, til að koma hlutunum á réttan kjöl, en þetta er bráðnauðsynlegt byrjunarverkefni, því annars fara heimilin að rúlla í gjaldþrot og á eftir þeim fara lítil fyrirtæki að rúlla, vegna minnkaðra umsvifa og í kjölfarið á þeim þau stærri.

Alveg einstaklega glæsileg framtíðarsýn, ekki satt?

Verðbólgan 18,6%

Smá breytingar

Ég ákvað að auka öryggisstillingar á þessu bloggi mínu, þannig að nú geta eingöngu skráðir notendur blog.is skrifað athugasemdir. Mér hugnast ekki að fá mikið meira af andstyggðarathugasemdum frá nafnlausu fólki, eftir nokkrar athugasemdir sem duttu hér inn í nótt. Ég skil ekki hvað menn fá út úr því að úthúða náunganum, það hlýtur að vera eitthvað meiriháttar vandamál að herja á þann sem hefur svona mikla þörf fyrir það.

Einhvern tímann var sagt, ef þú hefur ekkert gott að segja um náunga þinn, haltu þá kjafti og vertu til friðs. Það má alltaf kalla í viðkomandi og gera athugasemdir við hann/hana augliti til auglitis. Ef kjarkurinn til þess er enginn, þá á skítkastið engan rétt á sér og dæmir eingöngu þann sem kastar skítnum, því hann mun á endanum lenda á smetti hans.

Morð eða manndráp af gáleysi??

Ég veit eiginlega ekki hvernig ég get ályktað öðruvísi. Hvernig í ósköpunum er hægt að fara fram með svona hörku á hendur öldruðum manni, þrátt fyrir að hann hafi skuldað rafmagnsveitunni eitthvað. Það hefði verið miklu nær að senda til hans peningagjöf í formi þess að fella niður skuldina, en svona gerast víst kaupin á eyrinni í henni Ameríku. Ef þú átt ekki aur, þá geturðu bara étið það sem inni frýs og frosið svo sjálfur í kjölfarið.

Dó úr kulda heima hjá sér

Microsoft og öryggi í sömu greininni??

Síðan hvenær er Microsoft umhugað um öryggi notenda forrita? Alveg síðan þeir tóku þá fádæma heimskulegu ákvörðun að grópa Internet Explorer, Outlook Express og Windows Media Player inn í innsta kjarna stýrikerfisins, hefur þetta stýrikerfi verið á hengiflugi kerfishruns, vegna meðfylgjandi skorts á öryggi notandans. Öryggisholurnar í hverju forriti fyrir sig eru þess eðlis að auðvelt er að skrifa smá forritsstubb, sem inniheldur ActiveX skipanabálk, til þess að knésetja stýrikerfið algjörlega. Microsoft hafa einnig verið mjög slappir í að koma með endurbætur á þessum forritum sínum, til að plástra yfir þessar öryggisholur.

Nei takk, heldur vel ég vafra sem setur ekki hjá mér stýrikerfið á hausinn, eins og Firefox, Opera, Mozilla Seamonkey eða Safari. Vissulega eru til aðrar gerðir vafra, en flestar eru þær byggðar á einhverjum af þeim 4 sem ég nefndi hér að framan, nema þær séu byggðar á IE eins og Maxthon.

Ég held að Microsoft ætti að hætta þessu brölti í vaframálum og fara að einbeita sér að því að gera stýrikerfin sín notendavæn og örugg, ekki vera alltaf að þessu stóra bróður brölti, sem er áþreifanlega áberandi í hinu skelfilega Windows Vista (stýrikerfi sem mun aldrei enda á tölvu hjá mér).

Microsoft ætlar sér stóra hluti í netvafrabaráttunni

Senda allt þetta pakk heim

Ég skil ekki hvað er verið að velta sér upp úr því að það eigi að setja saman einhvers konar þjóðstjórn hér, eða að Samfylking og VG setjist að kötlunum með stuðningi Framsóknar og Frjálslyndra. Það væri réttast að senda allt þetta hyski heim hið snarasta, mynda utanþingsstjórn sem í sætu einhverjir valinkunnir menn (ég skal glaður taka að mér fjármálin, ætti að vera fær um það úr því að dýralæknirinn var settur í það embætti) fram að kosningum.

En hvernig sem þetta allt fer, þá þarf gagngerar breytingar á öllu kosningakerfinu og stjórnmálakerfinu hér. Ég mun útlista síðar hvernig mig dreymir að þetta verði, en mínar hugmyndir munu örugglega verða til þess að margir verða hundfúlir við mig, en það verður þá bara að hafa það. Til þess eru skoðanir að viðra þær og rökræða við aðra.

Fundað um framhaldið