Ertu andskotans klikk??

Farðu að vinna vinnuna þína helvítis hengilmænan þín og taktu á fjármálafyrirtækjunum af hörku. Þau ganga á eftir fólki af fyllstu hörku og kominn tími til að ráðuneytið geri það sama fyrir hönd almennings.

Ekki gleyma því að fólkið sem kom þér í það embætti sem þú gegnir núna, hefur vald til að fjarlægja þig. Það þarf að vísu kosningar til, en fjandinn hafi það að maður sætti sig við svona hroðalegan undirlægjuhátt og aumingjaskap.

Ávinningur kominn fram

Hugsanlegur brottflutningur frá klakanum

Ég hef alltaf verið mjög heitur fyrir því að spreyta mig erlendis, sérstaklega þar sem það er nánast alveg sama hvað maður reynir að gera hér heima, bankaskrímslin sjá aldrei ástæðu til að létta manni lífið á nokkurn hátt, hvorki með greiðslujöfnunum, skuldbreytingum né öðrum þess háttar aðgerðum, þannig að maður geti hugsanlega dregið fram lífið á mannsæmandi hátt.

Ég þoli það ekki að skulda, sérstaklega bankastofnunum, því þeir eru svo fjandi óbilgjarnir þegar kemur að því að innheimta. Jafnvel þó maður hafi lagt allt á borðið, í sambandi við greiðslugetu, framfærsluþörf og annað, þá heimta þeir bara aurinn strax eða allt fer í lögfræðing. En athugið eitt, með því að henda þessu í lögfræðiinnheimtu, þá minnka líkurnar á því að þið fáið borgað allverulega, allt að því um 95%, þar sem ég hef ekki innkomu sem stendur undir því að borga innheimtukostnaðinn, ofan á allt hitt. En hvað er þá til ráða?

Mín vegna mega þeir gera mig gjaldþrota, það kostar mig í raun ekkert og ég get farið að vera mjög harður í því að velja nákvæmlega hvað ég borga og hvað ég gef skít í. Til dæmis er ég með lán sem faðir minn ábyrgðist með því að setja íbúðina sína að veði, ég er mánuð á eftir að borga af því, en einhvern veginn reddast það nú samt áfram. Ég er með bílalán frá Avant (bölvuðum glæpasamtökunum), en það er í skilum og litlar afborganir per mánuð, þökk sé endurreikningi sem fór eftir settum lögum. Þess utan er ég með skuldir vegna kreditkorta og yfirdráttarheimildar, sem mér liggur ekkert á að borga af, þar sem bankinn sýnir ekki minnstu löngun til að koma til móts við mig. En við bíðum og sjáum, ég fæ sennilega að vita hvernig þetta stendur eftir helgina, fyrirfram sé ég fyrir mér að engin lausn fáist í Arionbófafélaginu.

En ég er búinn að senda ferilskrána mína til Thulekraft, sem er atvinnumiðlun sem sérhæfir sig í að finna vinnu fyrir þá sem hafa áhuga á að starfa í Noregi. Ég er svo sem ekkert voðalega mikill Norsari í mér, en flest er betra en að rétt skrimta hér, tala nú ekki um ef félagslega kerfið þar myndi taka við börnunum okkar þar sem þau standa núna. Í það minnsta væri ég til í að fara út einn, jafnvel tímabundið, til að létta undir fjölskyldunni. Það eru jú margfalt betri laun í boði þarna úti og það er reiknað með því að menn geti lifað mannsæmandi lífi af nokkru sem heitir DAGVINNA. Því miður eru íslensk stéttarfélög svo hroðalega undir hælnum á atvinnurekendum að það er ekki glæta að koma þess háttar kerfi á hérna.

Frekari hugleiðingar um þessi mál gætu birst á næstu dögum og vikum, það kemur í ljós hversu aktífur maður verður.

Of seint Jóhanna

Fyrir það fyrsta, þá er enginn raunverulegur hagvöxtur framundan, þar sem það litla sem hefði komið að óbreyttu, er farið í hendurnar á vinum þínum fjárglæframönnunum nú þegar.

Að hlusta á þetta óráðsröfl í kerlingunni er náttulega bara sprenghlægilegt. Hún er eins veruleikafirrt og forveri hennar í stólnum, ásamt þeim sem sátu þar síðastliðin 90 ár.

Ofurlaunaliðið fær ekki að soga til sín hagvöxtinn

Jákvæð frétt - JESSSSSSSSSSSS!!!

Mér er alltaf jafn mikið brugðið eins og þegar ég sé jákvæðar fréttir í fréttamiðlum landsins. Yfirleitt eru allir miðlar svo uppfullir af neikvæðni og væli að það er ekki nokkur leið að hlusta eða lesa allann óþverrann. Mogginn fær kredit fyrir þetta, en betur má ef duga skal elskurnar.

Boltinn rúllar í Laugardal

Draumórar = Delerium Tremens

BWAHAHAHAHAHAHAHAHAHAHA

Bjartsýnin svífur yfir vötnum þarna, eins og annars staðar í pólitíska landslaginu. Það verða engar umbætur þarna eða annars staðar í pólitísku landslagi Íslands. Spillingin er of rótgróin til að það geti gerst.

Samfylkingin ræðir umbætur

Þetta er þeim líkt

Ég held svei mér þá að það sé eitthvað meira en lítið að þessum rugludöllum í Grínpís. Verði þeim að góðu að velkjast utan í borpalli næstu vikurnar. Ég mæli með því að bera ómælt magn af koppafeiti á burðarlappir pallsins, svo þessir álfar komist ekki upp á pallinn vandræðalaust, það yrði þeim mátulegt.

Fóru um borð í olíuborpall

Er ekki í lagi þarna??

Hvern andskotann á svona fíflagangur að þýða?? Get ég reiknað með því að NBI gerist svo vinalegir að tryggja mér það að þurfa bara að endurgreiða 5,6% af eftirstöðvum míns bílaláns?? Varla, en það er sú krafa sem ég mun klárlega gera. Að auki mun ég fara dómstólaleiðina, ef með þarf, til að fá fellda niður þá ábyrgð sem faðir minn gekk í, til að lánið fengist. Það er nefnilega dagljóst að hann hefði aldrei gerst ábyrgur ef hann hefði vitað að minnsti vafi væri á lögmæti þessara lánaskilmála.

Fari þessir helvítis hundaklifberar norður og niður og éti úldinn hund, ég er sko búinn að fá upp í kok af þessu siðlausa ruslaraliði.

Avant fær að leita nauðasamninga

Og á þá að endurtaka leikinn sem þeir léku..

þegar þeir fóru til Suður-Ameríku hér um árið??? Ég held að fátækustu ríkin geti alveg án þeirrar hjálpar verið, því það er alveg gulltryggt að AGS mun mergsjúga þessi ríki og gera svo kröfu um að hvers kyns auðlindir í löndum þeirra verði afhent einkavinum AGS stjóranna.

AGS: Meiri stuðning fyrir fátæk ríki

Afþökkum þá þetta fjárans lán og...

segjum þessum apaheilum í Nýju Jórvík að hypja sig heim með allt sitt hyski. Það er búið að skuldsetja okkur mikið meira en nóg, úr því að ríkisstjórnin og þingið ákváðu að lúffa fyrir Hollendingum og Bretum, og ég segi því að nú er nóg komið.

Við þurfum ekki þessi lán frá AGS, ég vil ekki sjá þá troðast til áhrifa hér, því það er alþekkt að hvar sem þeir eru með puttana fer allt til andskotans á örskammri stundu. Ég skal meira að segja splæsa í frímerki á rassgatið á þessum vitleysingum, svo framarlega sem ég þarf ekki að leggja meira en hundrað kall í það mál, því ég sé ekki ástæðu til þess að senda þá heim á sagaclass. Það væri miklu nær að tjarga þá og fiðra, að hætti villta vestursins.

Ekki á dagskrá 14. september

Hvers vegna trúnaður??

Er það meiningin að það eigi að halda upplýsingum sem viðkoma þjóðarhag leyndum, bara af því að aðalruddarnir í Evrópu óska eftir því?? Ég held nú síður. Ég vil að ríkisstjórnin segi þeim að éta það sem úti frýs og gera allar athugasemdir þeirra og hugmyndir opinberar. Þeir hafa ekki komið fram með þeim hætti að það sé nokkur ástæða til að fara að þessum óskum þeirra.

Óska eftir trúnaði