Hvað þurfa þeir að hræðast??

Mér finnst bara allt í fína lagi að fara fyrningarleiðina, svo framarlega sem gerð verður ein stórbreyting á kvótalögunum. Ég vil láta setja inn veiðiskyldu á útgerðirnar, þannig að ef þær leigja út aflann, nú eða selja hann, þá fái þeir ekki úthlutað samsvarandi útleigðu/seldu magni næsta fiskveiðiár. Þetta ætti að minnka braskið allverulega.

Einnig þarf að tengja kvótann byggðarlögunum sem eiga allt sitt undir fiskveiðum. Ekki láta risaútgerðirnar komast upp með að kaupa upp öll skip smáplássanna, ásamt kvóta þeirra, og flytja svo allt góssið þangað sem þeir eiga mestra hagsmuna að gæta. Ég vil sjá að minnsta kosti 75% af kvótanum bundið við sjávarútvegsbyggðir landsins og það sem eftir stendur verður í eigu ríkisins og útgerðir geti þá leigt aflann þaðan gegn hóflegu gjaldi.

Á sama tíma þarf líka að banna veðsetningar kvóta mörg ár fram í tímann og einnig að koma í veg fyrir erfðarétt á kvótanum. Almennt séð ætti ekki að vera hægt að veðsetja fiskinn í sjónum, þar sem menn vita aldrei hvað þeir fá upp á land á milli ára.

Að lokum vil ég láta skylda útgerðirnar til að tryggja það að helmingur aflans verði unnin hér heima, með aðlögunartíma til kannski 5 ára. Ekki selja óunninn fisk erlendis í miklu magni, þegar hægt er að vinna hágæðavöru úr honum hérlendis.

Ölfuss hræðist fyrningarleiðina

Sorgleg þróun og hvað er hægt að gera?

Vissulega eiga stjórnvöld stóran hlut að máli hér. Litlu hefur verið komið í verk, en það skrifast að hluta á málþóf í ræðustóli Alþingis og svo ranga forgangsröðun mála. Svo er auðvitað ein stofnun sem ætti nú að sýna í verki að hún hafi bein í nefinu, en það er Seðlabanki Íslands. Hann á auðvitað að hætta að vera svona mikil undirlægja Alþjóðaglæpasjóðsins og skella stýrivöxtum strax niður í 10% og niður í 5 prósent fyrir árslok. Það myndi bjarga mörgum fyrirtækjum og heimilum frá því að lenda undir hamrinum fyrir árslok.

Gerist það??? Tæplega, því íslensk stjórnvöld virðast bara vera hræddir kjúklingar undan minknum í hænsnakofanum, þ.e. Alþjóðaglæpasjóðnum

Atvinnurekendur aldrei svartsýnni

Hættu þessu væli glæpaspíran þín!!

Fyrir það fyrsta, þá ættirðu ekki að vera kjörgengur. Ástæðan er einfaldlega sú að þú brást því trausti sem þér var sýnt í opinberu embætti, með því að versla helling af vörum fyrir sjálfan þig á kostnað ríkisins. Það er einfaldlega þjófnaður og fyrir það fékkstu dóm.

Mér er sléttsama þó þú hafir fengið vini þína í embættum forseta Alþingis, forsætisráðerra og forseta Hæstaréttar til að reisa við æru þína. Þú áttir aldrei að fá kjörgengi aftur eftir að dómurinn féll. Og að koma svo núna og grenja í fjölmiðla, vegna þess að fólk vill ekki hafa þig á þingi og nýtir þess vegna sinn lýðræðislega rétt á að strika þig út af lista flokksins í kjördæminu. Ef ég hefði kosið þinn rotna flokk, þá hefðir þú verið fyrstur manna að missa atkvæðið mitt, vegna þess að ég hefði klárlega strikað yfir nafnið þitt.

Þeir sem vilja banna yfirstrikanir, eru einfaldlega þeir sem eru hlynntir því að flokkarnir fari sínu fram, án eftirmála, hversu vonda samvisku sem innanbúðarmenn kunna að hafa. Skammastu þín bara Árni og drullastu af þingi, þú átt ekkert erindi þangað inn.

Árni Johnsen segir skipulega unnið gegn sér

Og hér tekur steininn úr!!!

Varla búinn að minnast á fáránlegt 60 daga skilorðsbundinn dóm fyrir að valda fólki stórkostlegu líkamstjóni með ölvunarakstri, þá kemur hér annað eins rugl. Hvernig er hægt að leggja þjófnað að jöfnu við líkamstjón??

Ég held að það sé kominn tími til að endurskoða refsiramma viðurlagakerfisins, því þetta er náttúrulega algjör fásinna.

Dæmd fyrir að stela vínflöskum

Eruð þið ekki að grínast???

60 daga skilorð fyrir að valda öðrum örkumlum sem gætu reynst varanleg? Hvaða fjandans vitleysisgangur er þetta??? Vona að saksóknari áfrýi þessu til Hæstaréttar og láti stinga manngrýlunni í tukthús í að minnsta kosti ár. Það verður vonandi til þess að hann læri af þessu og skilji að svona háttalag er bara ekki í lagi.

Dæmdur fyrir vítaverðan ölvunarakstur

Ferðast um landið

Ég er víst í þessum hópi sem vill ferðast innanlands í sumar. Það er fullt af fallegum stöðum á landinu og fátt skemmtilegra en að kynna börnum sínum nýja staði utan malbiksins. Hins vegar mættu olíufélögin koma til móts við þá sem vilja ferðast innanlands í sumar og stórlækka verð á eldsneyti og öðrum nauðsynjum sem fólk þarf í bílinn eða á hjólið sitt, þar sem mörgum þykir gaman að ferðast á annað hvort reiðhjóli eða á mótorhjólum. Ég er ekki mikið fyrir að fara í Ferðafélagsferðirnar en fagna því að það er valkostur fyrir þá sem hafa yndi af þess háttar ferðalögum.

Ég leita venjulega eftir einhverjum sérstökum stöðum í mínum ferðalögum, helst einhvers staðar utan alfaraleiðar, utan farsímasambands og fjarri venjulegum tjaldstæðum. Ég er yfirleitt að leita að hvíld og andlegri ró, sem er því miður eitthvað sem sjaldnast fæst þegar eitthvað af þessu þrennu er til staðar. Á tjaldstæðum er of oft einhvers konar órói, misalvarlegur, en það verður til þess að maður fær bara ekki það sem leitað er eftir. En nú er maður farinn að horfa út á land, hvert skal halda í sumar

Fólk flykkist í ferðalög innanlands

Hálfviti, eigum við að ræða það eitthvað frekar?

Varla. Ég skil ekki hvernig fullorðinn maður getur verið svona mikil erkisauður, en það kom fram á visir.is að hann hafi verið á fertugsaldri og að auki óvanur. Hjálmlaus, hlífðarfatalaus, próflaus og á krosshjóli sem eingöngu á að nota á lokuðum brautum. Vona að hann láti þetta sér að kenningu verða, en ég ætla nú að gefa honum tækifæri til að sanna hversu mikil álfur hann er. Ég vona að þetta verði kannski til að aðrir láti svona lagað eiga sig, því svona tæki eru ekki til að leika sér að.

Mótorhjólaslys á Akureyri

Hvernig ætla þeir þá að bregðast við....

ef fólk ákveður að hætta alfarið að borga af sínum lánum? Persónulega er ég orðinn hundleiður á yfirgangi og vaxtaokri, þannig að ef ekki væri hætta á að þeir sem hafa gengist í ábyrgð fyrir mig, sem nota bene er náttúrulega fáheyrt kjaftæði, þá mundi ég einfaldlega hætta að borga af öllu nema því allra nauðsynlegasta, t.d. hiti, rafmagn, sími og netið, og leyfa þessum skúrkum að hirða það sem þeim er heimilt samkvæmt lögum. Raunar á ég ekkert sem hægt er að leggja hendur á, þannig að ég stend kannski betur en margur annar að því leitinu til.

Ég er með bílalán sem var tekið á myntkörfu og er að sligast undan því. Upphafleg greiðsluupphæð á láninu var um 18þúsund krónur á mánuði, plús/mínus einhverjir hundraðkallar. Núna stendur það í tæpum 42þúsund og ég er mikið að spá í að gefa bara skít í það. Versta er hins vegar að þeir myndu gera bíltíkina upptæka og ég sæti síðan áfram uppi með lánið, þrátt fyrir að forsendur lántökunnar séu löngu brostnar.

Hér þarf sem sé að setja lög sem tryggja neytandanum rétt á að skila bíllyklunum og losna undan láninu, ef forsendur lánsins hafa breyst svo mikið að lántaki standi ekki lengur undir greiðslum. En hingað til hafa ríkisstjórnir ekki séð ástæðu til að setja svoleiðis löggjöf og ég er ekkert að reikna með að vinstri stjórnin geri neitt í þeim málum.

Hafna fyrirvara við lánin

Kominn tími til

Þetta manngerpi er búið að vera til þvílíkra trafala fyrir liðið að engu lagi er líkt. Og svo var hann náttulega maðurinn sem sannfærði Moores um að selja liðið til þessara heilalausu Kana, sem núna eiga það. Þegar Parry er farinn er kominn tími til að losa sig við þessa rugludalla að Westan. Ég ætla ekki að afgreiða alla Bandaríkjamenn sem rugludalla, bara þessa vitleysinga sem neita að selja, þrátt fyrir að áhangendur liðsins vilji helst drekkja þeim í Mersey

Parry að hætta hjá Liverpool

Hvernig væri að fara að þeirra fordæmi??

En nei, íslenskir stjórnmálaskunkar eru allt of hræddir við þennan fjárans alþjóða gjaldeyrissjóð til að þora að hreyfa litla puttann án þeirra blessunar. Það væri réttast að reka allan þingheim á brott og setja inn menn sem þora að koma einhverju í verk og sama á við um burðarstofnanir þjóðfélagsins.

Óbreyttir stýrivextir í Ungverjalandi