Skrambans ólán hjá honum...

að þurfa að gera þetta núna í byrjun tímabils. En menn geta víst ekki mikið valið hvenær meiðsli koma upp. Skrítið að hann skuli vera að fara í þriðju aðgerðina á sama hnénu, sem bendir til þess að hann þurfi hreinlega að minnka orkunotkunina í neðri skrokk, en það kostar mikla þjálfun og hann er þegar með stíft prógramm í að laga smáhlutina hjá sér. Spurning hvort hann sé ekki bara of mikið í ræktinni?!?!

Woods verður frá keppni í 4-6 vikur

Greyin...

ætli þeir fari ekki af stað og kæri McLaren, Renault, BMW og Williams fyrir gagnaþjófnað. Það er ekkert ólíklegt miðað við fjaðrafokið sem varð í fyrra. Gleymum ekki að Ferrari eru ekki neinir englar þegar kemur að iðnaðarnjósnum. Þeir voru gripnir með allt niðurum sig fyrir einhverjum árum síðan en ekki voru viðurlögin vegna þess brots mjög harkaleg.

Ferrari glímir við gagnaleka

Fordæmisgefandi?

Vonandi verður það tilfellið, þegar kemur að því að úrskurða um sekt eða sakleysi þeirra sem grunaðir eru um að valda slysum með gáleysislegum akstri. Allt of oft er það þriðji aðili sem verður verst úti þegar svoleiðis slys verða. Tökum dæmi:

Bíl er troðið inn í umferðina frá Mjölnisholti og inn á Laugaveg (ath að það er einstefna upp Mjölnisholtið og því er þarna verið að brjóta umferðarlög að auki) til austurs. Bíll sem er á austurleið nær að víkja frá og forðast árekstur, en ökumaður á vesturleið á sér einskis ills von og víkur undan bíl #2, en lendir fyrir vikið á ljósastaur og girðingu (sem var einhvern tímann þarna á svæðinu). Þessi síðast taldi ökumaður endar á sjúkrahúsi með talsvert alvarlega áverka, látum liggja á milli hluta hverjir þeir eru.

Þarna er fyrsti ökumaðurinn klárlega valdur að þessu slysi, þó að hann hafi ekki lent í því sjálfur og því þarf glögga vegfarendur til að tilkynna háttalag hans til lögreglu, þannig að hægt sé að koma lögum yfir svona frámunalega gáleysislegan akstur. Mér finnst persónulega að menn sem gerast sekir um svona lagað, og verða með því valdir að alvarlegu líkams- og/eða atgervistjóni, ættu að fá ævilanga sviptingu ökuréttinda, ásamt nokkurra ára fangelsi og að þurfa að greiða slysaþola háar bætur vegna þess líkamstjóns sem viðkomandi hefur orðið fyrir. Raunar væri gamaldags flenging með níurófuketti vel við hæfi, en mér skilst að Amnesty International þyki þannig refsingar heldur harkalegar, og því mun ég ekki krefjast slíks.

Refsað fyrir að valda slysum

Bless og takk fyrir ekkert

Því miður reyndust "kaup" Liverpool á þessum leikmanni vera ákaflega misráðin, þar sem hann hefur átt gríðarlega erfitt með að koma sér í form vegna síendurtekinna meiðsla. Í raun hefðu þeir átt að krefja hann um að stytta samninginn sinn um helming, vegna þess að þeir voru ekki að fá það fyrir fjárfestinguna sem reiknað var með. Kewell var virkilega góður meðan hann var með skrokkinn í lagi, en því miður þá hrundi sá veruleiki mjög hratt.

Blessaður Harry, ekki fá marblett þegar hurðin skellur á botninum á þér. 

Kewell orðaður við Juventus

Glæsilegt!!!

Avleg frábær árangur hjá Immelman, eftir þessi erfiðu veikindi sem hann þurfti að glíma við. Það er ekkert sjálfgefið mál að komast aftur á fulla ferð eftir þau og hann sýndi að viljastyrkurinn er til staðar.

Hann gerði smávægileg mistök á 16. holu, þegar hann setti teighöggið í vatnið við flötina, en hann spilaði síðan mjög örugglega upp á tvö pör á lokaholunum og var ekkert fjarri því að fá fugl á síðustu holu. Það verður því engin alslemma hjá Tiger, eins og hann hafði tjáð fjölmiðlum að hann stefndi að, en það er alltaf næsta ár.

Til hamingju Immelman, glæsilegur árangur og gaman að sjá hvað taugarnar voru sterkar, þrátt fyrir mistökin á 16. Hver skildi hrekkja Tiger í næsta risamóti, US Open? 

Immelman var alltaf í efsta sæti

Vonandi verður...

ekkert slys við þessar aðstæður, því margir staðir á brautinni eru frekar tæpir í hálku og ökumenn og konur eru nú ekkert alltaf með hugann við aksturinn, sér í lagi ef gemsaskömmin ákveður að vera til vandræða, eins og stundum vill gerast.

Alltaf þegar ég veit af svona aðstæðum þá hef ég varann á, einfaldlega vegna þess hversu svikular aðstæður geta verið. Nagladekk eru ekki mikil björgun ef eitthvað ber útaf, því þau gera ekkert gagn nema þau nái niður á fast undirlag. Daglegar ferðir úr Höfnum til Reykjavíkur hafa líka kennt mér að treysta alls ekki öðrum ökumönnum, því maður veit aldrei hvernig þeir geta brugðist við óvæntum aðstæðum. Maður þekkir sjálfan sig nokkuð vel, en viðbrögð annarra geta verið jafn misjöfn og þeir eru margir.

Hálka á Reykjanesbraut

Verður hrikaleg spenna

Þetta verður alveg geggjaður dagur á morgun, úr því að menn reikna með að vindur og tiltölulega kalt loft verði ráðandi á vellinum í Augusta. Ég held að Tiger eigi eftir að spila mikið sóknargolf, því hann hefur í raun engu að tapa. Hann er 6 höggum á eftir efsta manni og þarf að fara á mikið flug til að ná í skottið á Immelman, sem var að spila feiknalega vel í dag.

Ég yrði hissa ef Tiger endaði á einhverju miðjumoðsskori. Annað hvort verður hann á 65 eða þar um bil, eða háum sjöunda tugnum, vegna sóknarspils. Verður fróðlegt að fylgjast með þessu allavega.

Mér fannst magnað að sjá mistökin hjá Mickelson á 16. í dag. Togaði teighöggið í glompuna hægra megin við flötina og var þar í spæleggi í niðurhalla og komst ekki nær holunni en um það bil 12 metrum (mín ágiskun) . Svo púttaði hann alveg skelfilega illa í fyrstu tilraun og fékk því þrípútt í hausinn og tvöfaldann skolla,öðru nafni Skramba. Hann er í raun dottinn úr baráttunni, því hann er orðinn 9 höggum á eftir Immelman og þarf því að rústa vallarmeti Greg Norman til að eiga minnsta möguleika á að sigra þetta.

Immelman með tveggja högga forskot

Ótúlega seigur sá gamli.

Það verður gaman að sjá hvort hann verður í betra formi á næsta ári. Hann er vanur að standa við stóru orðin, þannig að ég bíð spenntur. Mesti sandgryfjusnillingur sögunnar er ekki hættur að hrekkja kanónurnar enn

Player ætlar að taka á lóðunum

Hlægileg umfjöllun

Hvers vegna í ósköpunum eru Íslendingar svona rosalega upprifnir yfir þessari merkingarlausu froðukeppni? Vestur Evrópa er löngu búin að gefa hana upp á bátinn og gera helst grín að henni, á meðan nýju þjóðirnar í Austur Evrópu og auðvitað Frónverjar taka hana svo alvarlega að það hálfa væri nóg.

Munum að aðeins tvisvar hefur það komið fyrir að eitthvað meira hafi orðið úr þáttakendum þessarar leiðindabaulkeppni, en að eiga 3ja mínútna frægð síðustu 35 árin. 1974 var það ABBA  sem gerði allt vitlaust eftir keppnina, en það var eiginlega bara slys að þau voru með í keppninni, og svo var það á níunda áratugnum sem ung söngkona að nafni Celine Dion fylgdi í kjölfarið. Fáir aðrir hafa komist nokkuð áfram, þó að sprelligengið úr Lordi hafi verið orðið nokkuð þekkt þegar þau jarðsettu keppnina.

Hættum að taka þessa vitleysu svona alvarlega og förum að gera stólpagrín að þessu eins og Bretarnir. Þá kannski fer að verða einhver spenningur að horfa á þetta. Eins og staðan er núna er meira gaman að fylgjast með málningu þorna á vegg.

Friðrik Ómar hlakkar mikið til Eurovision-keppninnar

Hetjan lögð til hinstu hvílu

Hann var ávallt umdeildur hann Charlton Heston, sérstaklega þegar maður horfir til þess hversu áberandi hann var í baráttunni um að hver einasti maður hefði stjórnarskrárvarinn rétt til að eiga vopn af hvaða tagi sem hann langaði til. Vissulega eru til aðstæður þar sem byssueign er réttlætanleg, en á þessu sviði gengum við sinn hvora brautina.

Hann var eftirminnilegur í bíó. Sérstaklega þegar maður minnist þess að hafa séð hann í Apaplánetunni (þeirri upprunalegu), Ben Húr og fleiri myndum. Svakanaggur er bara kettlingur við hliðina á gömlu kempunni.

Takk fyrir skemmtunina herra minn og hvíl í friði.

Charlton Heston borinn til grafar