Sammála Vilhjálmi, að ég held í fyrsta skipti!!

Mikið rosalega er gaman að sjá að það er einhver í viðskiptalífinu sem mælir á móti ákvörðun Seðlabankastjórnarinnar. Ég hef nú oftast verið á móti því sem Vilhjálmur segir og oft ekki haft mikið álit á hans málflutningi, en hann er að vaxa í áliti hjá mér og tekur stórt stökk með þessu viðtali.

Auðvitað á ekki að láta IMF stjórna stýrivaxtaákvörðunum hérlendis, ekki frekar en að láta apana í dýragarðinum stjórna heilbrigðisráðuneytinu. Að vísu held ég að þeir (þ.e. aparnir) gætu ekki gert verr en undanfarið hefur verið gert, en það er allt annar handleggur.

Lækkun stýrivaxta er grundvöllur þess að almenningur verði ekki gerður gjaldþrota í heild sinni, þar sem greiðslubyrðin er að sliga flesta þá sem skulda eitthvað og ekki hjálpar okurvaxtastigið þar.

Vilhjálmur: Óskiljanleg ákvörðun

Athugasemdir

[corvus corax, 29.1.2009 kl. 13:09]

Af gefnu tilefni vil ég benda á að undanfarna mánuði hefur api stjórnað heilbrigðisráðuneytinu, ef það skyldi hafa farið framhjá einhverjum.

[Tómas Þráinsson, 29.1.2009 kl. 13:19]

Ég tæki mark á því ef hann hefði vottorð frá dýralækninum, en þar sem sá dýralæknir hefur haldið sig í fjármálaráðuneytinu, þá er aldrei laus tími til vottunar