Leikhús fáránleikans

Nei ég er ekki að tala um pönkhljómsveit hér, þó hún hafi nú verið til og verið býsna góð á sínu sviði.

Verðflokkar enskra knattspyrnumanna eru náttulega algjörlega út úr kortinu, því hvernig má það vera að ungur leikmaður, sem ekki hefur enn sannað sig með landsliði eða til lengdar í efstu deild, sé verðlagður á svona bullupphæðir. Mér er í raun alveg sama hver býður í viðkomandi, leikmenn sem eru að koma upp á þennan hátt ættu ekki að seljast á svona verði, nema heildarverð miðað við frammistöðu, leikjafjölda, landsleikjafjölda og þess háttar sé partur af heildarverðinu.

Það veit það hver sem vill að það er ekkert skothelt með þroska íþróttamanns, hann getur orðið fyrir andlegum eða líkamlegum áföllum, svo sem meiðslum eða geðrænum röskunum, og því ekki líklegur til að uppfylla þá hæfileika sem hann fæddist með. Ég held að enskir ættu að skoða aðeins hjá sér leikmannaverðlagninguna og gera rækilegar breytingar.

Liverpool hefur augastað á Henderson

Það er náttulega tómt rugl

Rooney hefur ítrekað sýnt vanvirðingu sína á þeim svartklæddu og rífur stanslaust kjaft og hreytir í þá ósæmilegu orðbragði. Samt kemst hann alltaf upp með það. Það er kominn tími til að strákormurinn fái að taka afleiðingum orða sinna og athafna, þannig að þessi ákvörðun aganefndar enska knattspyrnusambandsins er vægast sagt hlægileg.

Það er ósköp einfalt að stemma stigu við svona hegðun leikmanna, leikbönn um lengri eða skemmri tíma, eftir því hvort um sé að ræða fyrsta brot eða síendurtekna óæskilega hegðun á velli. Það má ekki gleyma því að þessir menn eiga að heita að vera fyrirmyndir ungra knattspyrnumanna, sem og áhugamanna um allan heim, því á það ekki að líðast að þeir komist upp með svona framkomu á velli.

Engin frekari refsing hjá Rooney

Hver er undrandi???

Í það minnsta ekki ég. Abramovich hefur nú ekki sýnt það að hann sé sá þolinmóðasti, þegar kemur að því að kaupa sér árangur í boltanum. Það verður fróðlegt að sjá hver leggur í að taka þetta að sér. Kannski Tony Adams, hann er jú á lausu núna

Scolari rekinn frá Chelsea

Kemur svo sem ekki á óvart

Ég er ekkert óskaplega hissa á því að Adams hafi ekki fengið stuðning í starfinu. Núverandi eigendur Portsmouth virðast ekki skilja það að til að breyta gengi liðs, þarf stuðning frá stjórnendum, nákvæmlega eins og frá áhorfendum. Vissulega getur leikstíll þeirra eitthvað spilað inn í, en ég hefði nú haldið að hjá litlu liði eins og Pompey væri skynsamlegast að byggja upp frá baklínunni og smá styrkja svo liðið fram á við.

Þannig lærði Adams líka að vinna þegar hann var undir stjórn George Graham hjá Arsenal hér í denn. Enda sjaldan unnist eins oft 1-0 eins og þegar sá góði maður stýrði skútu þeirra Arsenal manna. Ef þeir náðu forystu, þá gátu andstæðingarnir nánast pakkað saman og farið heim, því það var ekki auðvelt mál að fara í gegnum þennan múr sem Arsenal gat sett upp.

Adams: Fékk hvorki tíma né stuðning

Athyglivert í meira lagi

Ég vona sannarlega að af þessum skiptum verði, því Pennant er alls ekki nægilega fljótur á kantinum. Lennon er mun sprettharðari, en þá er að vona að honum verði kennt að gefa almennilega fyrir markið, því það eru ansi margir kantmenn mjög slakir í þeirri list. Þeir bruna jú framhjá bakverðinum en svo flýgur tuðran langt upp í stúku, hættan liðin hjá.

Já semsagt, vonandi að rétt reynist.

Benitez vill skipta á Pennant og Lennon

Ekki spurning um það...

hvort liðið fer áfram heldur hversu snautlega útreið Olígarkarnir frá Stamfurðubryggju fá í þessum tveimur leikjum. Mín spá, eins og fram hefur komið annars staðar er að mínir menn vinni á Anfield, 3-0, þar sem Torres sallar inn 2 mörkum og Hyypia einu ef hann er leikfær. Annars treysti ég því að Babel taki upp þann hanska.

You'll Never Walk Alone!!!!

Gerrard: Okkar lið gefst aldrei upp

Þeir eru greinilega orðnir lafhræddir

Skiljanlegt. Það eru ekki margir sem hafa getað lokað á boðleiðirnar til hans í vetur. Það verður fróðlegt að sjá hvers konar lúalegar aðferðir verða notaðar til að halda aftur af honum.

John Terry: Verðum að stöðva Torres

Hann ætti...

að halda sig við að sinna móður sinni þar til hún er komin heim af spítalanum, eða í það minnsta þar til hún er örugglega úr hættu. Liðið verður bara að lifa án hans, enda þykjast þeir eiga nægan mannskap til að koma í stað þeirra sem forfallast.

Ekki það að ég sé eitthvað smeykur við "Feita Frank", nema hvað hann er svo gjarn á að skora þessu fjárans "deflected goals". Ótrúlegt hvað það hefur fallið með honum þar, þegar blaðran er á leið upp í Ö-röð í áhorfendasvæðunum, þá verður einhver ólánsamur varnarmaður fyrir boltanum og þar með verður enn eitt óverðskuldaða markið að veruleika.

Lampard til í slaginn

Frábærar fréttir

Alveg klárt mál að Olígarkarnir frá Sélsky munu titra á beinunum, vitandi að bæði Gerrard og Torres verða með. Hér er skálað fyrir 3-0 sigri, en kannski er það pínulítið mikil bjartsýni. Bara minni á að meira að segja Aston Villa skoraði 4 mörk á móti þeim fyrir skömmu. Allt hægt

Gerrard verður með Liverpool annað kvöld

Bless og takk fyrir ekkert

Því miður reyndust "kaup" Liverpool á þessum leikmanni vera ákaflega misráðin, þar sem hann hefur átt gríðarlega erfitt með að koma sér í form vegna síendurtekinna meiðsla. Í raun hefðu þeir átt að krefja hann um að stytta samninginn sinn um helming, vegna þess að þeir voru ekki að fá það fyrir fjárfestinguna sem reiknað var með. Kewell var virkilega góður meðan hann var með skrokkinn í lagi, en því miður þá hrundi sá veruleiki mjög hratt.

Blessaður Harry, ekki fá marblett þegar hurðin skellur á botninum á þér. 

Kewell orðaður við Juventus